Nan yon operasyon ki te fèt sou kòt Pedernales, lamarin Repiblik Dominikèn (ARD) te anpeche kat (4) bato ayisyen ki t ap vin fè pèch ilegal nan dlo teritoryal peyi yo a. Daprè yon nòt ki pibliye dimanch sa a, pandan operasyon an, nèf (9) Ayisyen san papye te arete epi remèt bay Direksyon Jeneral Migrasyon (DGM) pou dispozisyon legal yo.
Bato ki te entèsepte yo a mete yo anba siveyans nan detachman lamarin Miramar, nan Pedernales. Nan deklarasyon li yo, lamarin Repiblik Dominikèn te fè konnen li pran angajman pou defann enterè maritim nasyonal yo a, mete sekirite sou kòt peyi yo, epi konbat tout aktivite ilegal ki t a kapab menase lòd ak resous natirèl peyi yo a.
Operasyon sa a mete aksan sou jefò otorite dominiken yo pou garanti respe dwa maritim yo pandan y ap goumen kont pratik ilegal ki riske afekte dirablite ekosistèm maren peyi repiblik dominikèn.
Comments