Kylian Mbappé pran pri meyè jwè chanpyona fransè a pou yon 5èm fwa.

Pandan Kylian Mbappé ap prepare pou l kite chanpyona fransè a, foutbolè entènasyonal fransè mete ankò yon rekò nan Lig 1.

Nan seremoni remiz twofe UNFP 2024, lendi 13 me a, KM7 genyen trofe meyè jwè Lig 1 an pou yon senkyèm fwa youn kole ak lòt. Twofe UNFP ki rekonpanse bèl pèfòmans jwè Lig 1 sou sezon se lide sendika jwè yo Lafrans Inyon Nasyonal Foutbòl Pwofesyonèl Fransè (UNFP) depi 1994.

Kylian Mbappé jwe 29 match pandan sezon 2023-2024 la, li deja make 27 gòl ak bay 7 pas desizif. Nimewo 7 PSG a devanse konpatriyòt ak ko ekipye l nan klèb ak nan seleksyon Ousmane Dembélé, Pierre Lee-Melou, Pierre Emerick Aubameyang, Edon Zhegrova.

Meyè bitè nan tout istwa Paris a pran dènye pri endividyèl li sou koulè klèb kapital Lafrans la.

Mbappé deja anonse nan yon videyo match dimanch 12 me kont Toulouse se t ap dènye match li nan Parc des Princes lan. Anpil moun deja kwè elye gòch fransè ap prepare l pou mete valiz li nan kapital peyi Lespay la nan Real Madrid.