Konsèy Prezidansyèl Tranzisyon an Selebre Fen Misyon Anbasadè Fransè Fabrice Mauries an Ayiti.

Yon seremoni adye te òganize nan Villa d’Accueil nan Musseau madi 20 dawout 2024 la, pou make fen misyon Anbasadè Fransè an Ayiti, Fabrice Mauries.

Apre twa ane sèvis nan peyi a, Anbasadè Fabrice Mauries ap prepare pou kite Ayiti. Pandan seremoni adye a, manm Konsèy Prezidansyèl Tranzisyon yo te felisite diplomat la pou devouman li ak pou ranfòsman relasyon ant Ayiti ak Lafrans pandan manda li.

Nan diskou li, M. Mauries te mete aksan sou bon jan relasyon ant Ayiti ak Lafrans ki vin pi solid nan plizyè sektè estratejik pandan peryòd li te nan pòs la. Li te ajoute pou l di : Ranplasan li ap anonse byento nouvo priyorite koperasyon fransèz la, espesyalman nan domèn sekirite.

Fabrice Mauries te kòmanse travay kòm anbasadè Fransè an Ayiti nan mwa septanm 2021, kote li te ranplase José Gomez. Malgre manda li ap fini, idantite ranplasan li poko konfime.