Konsèy Elektoral Pwovizwa a Angaje nan Kolaborasyon Entènasyonal pou Ranfòse Pwosesis Elektoral la.

Nan premye aksyon yo, depi yo te antre an fonksyon jou ki te 18 Oktòb 2024 la, Konsèy Elektoral Pwovizwa a (KEP) fè konnen yo deja pran konesans dosye teknik enstitisyon an epi yo komanse reyini pou travay ak manm Komisyon Venice lan, nan Washington, avèk sipò Òganizasyon Eta Ameriken yo (OEA).

Kounye a, yon delegasyon KEP ki gen ladan prezidan an, Patrick Saint-Hilaire, vis-prezidant lan, Schnaida Adely, direktè egzekitif Max Délices, direktè operasyon elektoral Abbé Bernard, ak adjwen li Clément Jude Charles, ap patisipe nan yon pwogram obsèvasyon pou eleksyon ameriken yo nan Washington.

Dapre premye kominike KEP a pibliye, delegasyon sa a gen randevou ak plizyè ofisyèl ameriken, prezidan IFES, ak responsab USAID. KEP a fè konnen yo angaje yo pou asire yon pwosesis referandòm ak eleksyon ki transparan ak enklizif pou pèp la.