Ted Christie PDG konpayi Spirit Airlines lan Resevwa yon Prim 3.8 milyon dola kòm Bonis nan kad Travay li, yon Desizyon ki pote anpil Kritik. Daprè konsèy administrasyon an, lajan sa a se yon fason pou kenbe l nan tèt konpayi an pandan y ap finalize fizyon ak JetBlue Airways.
Operasyon sa a, ki gen pou fèt nan mitan ane 2025 lan, pral fè Spirit tounen youn nan konpayi ki kapab konkiransye gwo konpayi avyon Ameriken yo.
Men, desizyon sa a leve anpil kesyon.
Pandan anplwaye yo ap plenyen pou kondisyon travay ki difisil, ak presyon pou bese pri tikè yo, plizyè obsèvatè estime gwo prim sa a montre yon mank konsiderasyon pou travayè yo ak pasajè yo. Pandan, daprè yo, Spirit deja gen yon move repitasyon akòz sèvis li yo ki souvan kritike.
Malgre tout polemik sa yo, konsèy Administrasyon Spirit la ap defann desizyon an. Yo kwè si yo kenbe Ted Christie nan pozisyon li se ap yon desizyon esansyèl pou asire yon tranzisyon ki mache byen pandan fizyon istorik sa a.
Comments