Hamas mande pou kòmanse aplike plan Biden pou yon lapè nan Gaza.

Ayè dimanch 11 dawout 2024 la òganizasyon Hamas la mande pou aplike plan Biden nan. Nan finisman mwa me a prezidan Joe Biden te pwopoze yon plan pou mete ola nan gè Izrayèl kont Hamas la. Yon plan ki soti dirèk dirèk an Izrayèl selon plizyè moun. Hamas, yon òganizasyon plizyè enstitisyon entènasyonal kalifye kòm teworis, finalman mande pou plan Biden nan kòmanse aplike. Yon plan ki prevwa 6 semèn pou kout zam bèbè nan Gaza, liberasyon otaj yo ak lòt ankò.