PSG 3 a 0 sou Montpellier, nan 89 minit Kethna Louis defensè entènasyonal ayisyèn nan resevwa yon sant soti sou kote goch atak Montpellier a san reflechi jwèz 27 lane a reyalize yon bèl repriz vole pou voye balon an dodo meya nan filè Kiedrzynek gadyèn PSG a.
Gòl sa te ede ekip li sove lonè a 3-1 an favè PSG.
Bijou sa a te san kontestasyon pi bèl gòl mwa mas la nan D1 Arkena, e rive nomine pami 3 gòl ki ka ranpòte pri pi bèl gòl sezon D1 Arkena ki se chanpyona foutbòl fanm yo nan peyi Lafrans.
Annatandan seremoni pou remèt pri a k ap fèt lendi 29 avril la. Piblik la ka vote pou ede konpatriyòt ayisyèn sa suiv Melchie Dumornay ki li menm te pran 3 pri semèn pase a nan lig chanpyon: Mèyè jwèz match demi final ale OLM vs PSG, pi bèl gòl ak Mèyè jwèz semèn nan.
Comments