Louis Gérald Gilles, youn nan gwoup majorite 4 manm Konsèy Prezidansyèl Tranzisyon an ki te antann chwazi prezidan KPT Edgard Leblanc Fils epi deziyasyon chèf gouvèman an, eskprime dezakò l sou fason deziyasyon Premye Minis Frizt Belizaire a fèt la. Daprè reprezantan akò 21 desanm nan deziyasyon sa a fèt dèyè do akò 3 avril la ki te endike nwa sou blan ki jan pwosesis chwa chèf gouvènman an dwe fèt.
Yon lòt bò, gwoup minorite nan KPT a te gentan kondane atitid majorite a. Nan yon nòt pati politik fanmi Lavalas mete deyò ki eksprime pozisyon l sou chwa prezidan Konsèy la ak PM nan. Pati politik ki voye Lesly Voltaire reprezante yo nan KPT kalifye konpòtman majorite KPT de maskarad.
Aprè sèlman 8 jou depi Konsèy Prezidansyèl Tranzisyon an enstale anpil tire pye kòmanse voye nan mitan manm yo sou dezisyon sansib ak enpòtan yo dwe pran pou reyisit Konsèy la. Pandan pèp la toujou nan menm soufrans yo. Kesyon tout moun ap poze eske manm KPT ak pati politik ki konstiye Konsèy la ap rive antann yo tout bon pou retire peyi a nan katchouboumbe li ye.