Gwo Kolizyon ant yon Bato Petwòl ak yon Kago nan pati Nò Lanmè a.

Yon gwo aksidan  sou lanmè rive lendi 10 mas 2025 lan, nan kote Nò Lanmè a, toupre kòt Angletè a. Dapre otorite k ap kontwole pò yo, kolizyon an lakòz, pou pi piti,  32 moun blese.

Bato petwòl ki enplike a, Stena Immaculate, ki navig sou drapo ameriken, ki anba direktiv konpayi Crowley, sibi plizyè eksplozisyon aprè aksidan an. Pwopriyetè bato a fè konnen tout ekipaj la sove, men yo te oblije abandone bato a akoz gravite sitiyasyon an.

Imaj ki parèt sou televizyon britanik yo montre gwo flanm dife ak gwo lafimen nwa ki kouvri zòn kote kolizyon an fèt la. Dimansyon dega yo tèlman grav, bato yo prèske envizib atravè flanm yo.

Pou kounye a, otorite yo poko konnen egzakteman kisa ki lakòz aksidan sila. Sekou sou lanmè ak ekip espesyalize yo sou plas pou eseye kontwole dife a, epi anpeche yon potansyèl mare nwa. An menm tan, otorite lokal yo anonse ouvèti yon ankèt pou klarifye sikonstans kolizyon an epi evalye danje li ka reprezante pou anviwònman an.