Gwo difikilte sou platfòm Meta yo kreye Anpil panik bò kote itilizatè yo.

Pandan jounen mèkredi 11 desanm sa a, anpil itilizatè Facebook, Instagram, ak WhatsApp, ki se platfòm Meta yo, te fè fas ak difikilte pou jwenn aksè, swa sou vèsyon entènèt, swa sou aplikasyon mobil yo. Sitiyasyon sa a te pwovoke yon kantite reyaksyon sou rezo sosyal yo, kote itilizatè yo te eksprime fristrasyon yo.

Konpayi Meta a te konfime pwoblèm nan atravè yon piblikasyon sou platfòm X (ansyen Twitter). Yo eksplike pètibasyon an soti nan yon "pwoblèm teknik". Yon pòtpawòl konpayi an te deklare: "Nou konnen gen yon pwoblèm teknik ki afekte kapasite kèk itilizatè pou jwenn aksè nan aplikasyon nou yo. N ap travay di pou retabli sitiyasyon an pi vit posib e nou mande ekskiz pou nenpòt deranjman sa ka lakòz."

Pandan pàn nan, anpil moun te itilize X pou eksprime santiman yo, ki varye ant kritik fristrasyon ak blag amizan, kontribye pou fè evènman sa vin tounen yon sijè cho sou entènèt la.