Nan yon desizyon san eksplikasyon ofisyèl, gouvènman militè Niger la te anonse madi 12 novanm 2024 la, yo retire pèmi ONG Acted, yon òganizasyon imanitè fransè, pou l pa fonksyone ankò nan peyi a. Desizyon sa a soulve anpil kesyon epi vini nan yon kontèks kote sekirite pèsonèl imanitè ak lòt travayè etranje yo ap degrade nan rejyon Sahel la.
Acted, ki travay nan Niger depi plizyè ane, se youn nan ONG ki angaje nan bay èd nan zòn difisil ak izole yo kote konba kont malnitrisyon, asistans pou deplase yo, ak devlopman kominotè se priyorite. Men, eksperyans ONG a te deja make pa yon trajedi: an 2020, sis (6) jèn travayè imanitè franse ansanm ak chofè ak gid yo te viktim yon atak djihadis pandan y ap egzèse travay yo nan peyi a. Zak sa a te fèk ogmante enkyetid sou sekirite travayè imanitè yo nan Niger, yon peyi ki plizyè fwa ap konfwonte ak atak gwoup ak zam.
Reyaksyon kominote entènasyonal la pa t pran tan: plizyè òganizasyon imanitè ak gouvènman franse lanse yon apèl pou klète sou desizyon sa a epi pou pwoteksyon travayè imanitè yo nan rejyon an. Gwo defi sekirite ak enstabite nan Niger ak lòt peyi nan Sahel la lakoz aksè imanitè ap vin pi difisil, tandiske bezwen èd imanitè yo ap ogmante avèk deplasman popilasyon, malnitrisyon, epi chanjman klimatik.
Comments