Gouvènman an anonse Kreyasyon Konsèy Nasyonal Sekirite (CNS).

Nan lide  pou palye kriz sekirite ki kontinye ap ogmante nan peyi a, gouvènman Ayisyen an anonse kreyasyon Konsèy Nasyonal Sekirite (CNS), pandan konsèy minis la. CNS la gen pou misyon asire yon repons kowòdone ak efikas pou divès aspè kriz sekirite a ki afekte gravman Ayiti.

CNS pral enkli reprezantan kle gouvènman an, tankou Premye Minis la, Minis Jistis ak Sekirite Piblik la, Minis Defans lan, ak Direktè Polis Nasyonal Ayiti (PNH). Konsèy sa a gen pou devlope estrateji sekirite nasyonal, kowòdone aksyon kont menas, epi amelyore patenarya ak patnè entènasyonal tankou Nasyonzini ak Misyon Sipò pou Sekirite Miltinasyonal (MSS) Kenya ap dirije.

Kreyasyon CNS la vini kòm yon repons dirèk pou vyolans gang, kidnapin, ak tout lòt zak ensekiritè. Gouvènman an espere estrikti sa a pral pèmèt peyi a reyalize yon amelyorasyon nan sekirite piblik, pandan l ap respekte dwa moun ak entegre sosyete sivil nan solisyon sekirite yo.