Gaza: Yon travayè étranje imanitè ONU jwenn lanmò l.

Lendi 13 me a, Anil Vaibhav 46 lane ki t ap kowòdone sèvis sekirite Nasyonzini (ONU) nan Gaza sa gen yon mwa konsa jwenn lanmò l.

Anil ansyen militè endyen sa te nan yon machin ONU ki nan wout pou ale nan lopital Ewopeyen Rafah, li te akonpanye ak yon kòlèg jòdanyèn ki li menm blese.

Jòdani akize lame Izrayèl nan lanmò travayè imanitè ONU an nan Gaza. Nan menm jou a solda Izrayèl ki te nan zòn Ebron te sezi kamyon èd imanitè, jete manje epi mete dife. Nan yon kominike Leta Ebra a mete deyò fè konnen machin ONU an t ap pase nan zòn kote batay la ye a.

Depi 7 oktòb,Anil Vaibhav se premye travay imanitè ONU etranje sepandan lagè sa deja lakòz lanmò 190 travayè imanitè Palestinyen Nasyonzini (ONU). Pandan sitiyasyon imanitè ap vin pi grav nan Gaza men Leta Ebre a pa antann bay vag.