Fotojounalis Clarens Siffroy soti loreya yon Pri nan World Press Photo.

Fotojounalis Clarens Siffroy ayè Jedi 27 mas la jwenn yon rekonpans entènasyonal nan Kad pwojè foto l ki pote non «Crisis in Haiti ». « Crisis in Haiti » se yon seri foto ki fè ilistre nivo vyolans san parèy nan Pòtoprens. Ak « Crisis in Haiti » Clarens Siffroy ranpòte pri nan kategori « Histoire Amérique du Nord et Centrale ».

Siffroy gen sèlman 25 lane epi anviwon yon lane depi l ap pratike pwofesyon fotojounalis la ak pasyon. Jèn fotograf la ap gen pou al pran pri Sila a nan kapital Peyiba nan mwa me k ap vini an la. Clarens Siffroy rive fè fyète jenès ayisyèn nan sou anviwon 3  700 fotograf ki soti nan plis pase 140 peyi.