Pandan tout je ayisyen te brake sou Melchie Dumornay ki t ap jwe premye final Lig chanpyon l ak OL. Gernika-Palestina, yon kolektif Bask nan peyi Lespay te pwofite pote solidarite yo ak pèp palestinyen an.
Depi 7 oktòb se premye fwa yon aksyon konsa fèt nan yon match ofisyèl nan kofederasyon UEFA.
Avan final la te kòmanse kolektif la te pwofite ouvri drapo Palestinyen sou pelous San Mamès la epi ekri kèk mesaj tankou : Kanpe Jenosid la ak UE, ou pa dwe yon konplis. De mesaj sa alafwa tradui solidarite yo pou pèp palestinyen an k ap toube chak jou anba atak militè lame Izrayèl la men tou se yon piga yo voye bay Linyon Ewopeyèn (EU).
Anviwon 54 000 ki te nan estad la te bat bravo lakontantman pou jès sa a. Aksyon sa vin tou suit aprè desizyon Lespay pran pou rekonèt ofisyèlman Leta palestinyen kòm yon Leta ki granmoun tèt li.
Plis pase 35 000 Palestinyen deja pèdi lavi yo nan kad gè sa a, majorite nan yo se fanm ak timoun. Depi kèk jou plizyè òganizasyon k ap defann dwa moun kalifye lagè sa kòm jenosid, krim kont limanite. Men jiskaprezan gouvènman Juif la kontinye ap di adelante.
Comments