Pou ouvèti koup Ewòp 2024, Almay te jwe kont ekosè yo vandredi 14 jen. Match la te fèt nan Minik nan estad Allianz Arena. Almay ki se peyi ki akeyi tounwa a, te jwe epi genyen match la 5-1.
Florian Wirtz te make premye gòl nan 10yèm minit nan jwèt la pou Alaman yi. Aprè sa, Jamal Musiala ki soti MVP match la te mete eskò 2-0 an favè peyi òganizatè a 9 minit aprè premye gòl. Alman yo te kontinye masak la ak Kai Havertz enskri twazyèm gòl nan 45+1yèm minit.
Alman yo te antre nan vestityè sou eskò 3-0, Aprè poz la, Nicolas Füllkrug make katriyèm gòl, epi Emre Can te mete senkyèm gòl la nan dènye minit nan jwèt la.
Epi se defansè alman Antonio Rüdiger, youn nan pi defans sezon 2023-2024 ki te rive retire zero a pou ekosè yo. Peyi 4 fwa chanpyon mondyal la pran yon opsyon serye pou genyen edisyon koup dewòp sa a.
Annatandan yo rete Lasuis ak Onngri pou match faz de poul yo.
댓글