Etidyan pro palestinyen manifeste nan plizyè peyi nan mond lan pou sipòte Gaza.

"Viva, Viva palestina" se eslogan yon santèn aktivis palestinyen ki monte yon ventèn tant nan lakou yon inivèsite nan kapital politik peyi Almay,Bèlen, ayè madi 7 me a. Yon manifetasyon lapolis rive kraze.

Depi kèk jou, etidyan pro palestinyen yo leve kanpe nan divès espas Inivèsitè nan plizyè peyi pou non sèlman pote solidarite ak pèp palestinyen an epi kondane lagè malouk Izrayèl ap fè kont Gaza a ki deja voye plis pase 34 000 moun anba tè.

Etidyan nan peyi tankou Oland, Almay, Lafrans, Fenland, Danmak, Itali, Espay, elatriye: monte tant nan lakou inivèsite yo, fè wonn men nan men, kouvri tèt yo ak yon echap ki senbolize pèp palestinyen an.