Etazini ap sonje 23èm anivèsè atak teworis 11 septanm 2001 yo, yon evènman ki te chanje kou istwa monn nan. Prezidan Joe Biden, ansyen Prezidan Donald Trump, ak Vis Prezidan Kamala Harris te prezan ansanm nan Ground Zero, kote atak yo te fèt, pou rann omaj a prèske 3,000 moun ki te pèdi lavi yo nan jou trajik sa a.
Atak teworis sa yo te make Kontinan Amerik la ak tout monn nan, lè teworis te pran kontwòl avyon komèsyal pou fè yo tonbe sou World Trade Center, Pentagon, ak nan yon jaden nan Pennsylvania. Se te yon aksyon san pitye ki te pran lavi anpil inosan e ki te raple tout moun sou frajilite sekirite mondyal la.
Komemorasyon an vini nan mitan yon sezon elektoral ki chofe anpil nan Etazini. Evènman sa a fèt jis kèk èdtan apre premye deba ant kandida demokrat Kamala Harris ak kandida repibliken Donald Trump, pandan kous pou eleksyon prezidansyèl 2024 la ap kontinye pran fòs. Pandan Ameriken yo sonje viktim yo ak ewo ki te goumen pou sove lòt moun nan jounen sa a, moman refleksyon sa a raple pèp la enpòtans linite ak lapè, menm nan yon moman politik difisil.
Comments