Minis Anviwònman, Moïse Fils Jean Pierre, ansanm ak anbasadè Taywann an Ayiti, Wen-jiann KU, te inogire jedi 8 dawout 2024 la, yon sistèm ponpaj dlo fotovoltayik nan lokalite Paulette, nan komin Terrier-Rouge.
Sistèm sa a, ki mache ak enèji solèy, gen pou objektif bay popilasyon lokal la aksè ak dlo pòtab pandan l ap diminye depandans sou enèji fosil. Pwojè a, daprè MDE, reflete angajman gouvènman an pou pwoteje anviwònman an epi amelyore kondisyon lavi kominote riral yo nan peyi a. Nan yon kontèks kote chanjman klimatik ap afekte zòn riral yo, sistèm ponpaj sa a se yon solisyon enpòtan pou agrikiltè yo nan zòn nan, bay yo aksè a dlo pi souvan pou fè awoze rekòlt yo.
Comments