Elon Musk, CEO Tesla ak SpaceX, pral entegre administrasyon Donald Trump lan kòm minis Efikasite Gouvènmantal, yon pòs ki kreye pou amelyore pèfòmans sektè piblik la nan Etazini. Nominasyon sa a reflete yon alyans enpòtan ant Trump ak Musk, de (2) chèf antrepriz ki pataje yon vizyon sou endepandans ekonomik ak inovasyon teknolojik kòm zouti pou ranfòse pozisyon Etazini nan lemonn.
Musk, ki te pase plizyè ane ap bati yon anpi nan domèn teknoloji ak transpò espasyal, te jwenn gwo sipò nan mitan reponsab politik konsèvatè yo gras ak pwomès li fè pou redui depans gouvènmantal epi mete aksan sou efikasite. Ansyen kandida repibliken an te menm fè lwanj kapasite Musk pou "ranvèse sistèm yo" lè li t ap fè inovasyon nan endistri oto, enèji, ak eksplorasyon espasyal.
Ministè Efikasite Gouvènmantal, ki pral fonksyone pou premye fwa nan administrasyon sa a, pral gen misyon pou optimize fonksyon gouvènmantal yo, elimine depans initil, epi amelyore sèvis piblik yo avèk teknoloji avanse. Objektif la se vin yon gouvènman "pi lejè, pi rapid, ak pi konsantre sou rezilta", dapre yon kominike ki sòti bò kote ekip Trump lan.
Dapre analis politik yo, alyans sa a ka gen konsekans enpòtan sou oryantasyon politik Etazini, espesyalman nan domèn teknoloji, klimatik, ak inovasyon. Men kèk obsèvatè soulve enkyetid sou enterè finansye pèsonèl Musk nan sektè gouvènmantal la epi konsekans li sou politik etranjè, sitou konsènan relasyon Etazini ak Lachin, yon peyi kote Tesla gen gwo envestisman.
Elon Musk, ki soti an Afrik diside montre li ka ranfòse kreyasyon job lokal yo pandan l ap avanse nan sektè teknoloji, sa k fè l atire atansyon Trump ki vize relanse ekonomi an atravè mwayen endistri endijèn yo. Daprè kèk sous, Musk gen plan pou aplike modèl efikasite Tesla a nan plizyè ajans gouvènman, kote li espere amelyore kalite sèvis piblik tout pandan li redwi gaspiye resous yo.
Se yon kolaborasyon ki kapab gen gwo konsekans, men ki fè anpil obsèvatè gade avèk anpil atansyon jan estrateji sa pral devlope nan mwa k ap vini yo.
Comments