Eleksyon prezidansyèl nan Venezyela: Etazini rekonèt Edmundo Gonzalez Urrutia genyen eleksyon yo sou Nicolas Maduro.

Nan yon kominike ki soti jodi 1er dawout la chèf diplomasi ameriken an Antony Blinken deklare yo gen bon jan prèv Edmundo Gonzalez Urrutia genyen eleksyon prezidansyèl 28 jiyè yo nan peyi Venezyela. "Lè n konsidere prèv yo, li klè tankou dlo kokoye pou Etazini ak pèp Venezyelyen an se Edmundo Gonzalez ki genyen eleksyon yo". Aprè anons sila chèf opozisyon an Maria Corina lanse yon konkechenn manifestasyon pou samdi 3 dawout la pou leve kanpe kont rezilta eleksyon ki bay la.