Dram nan legliz Union Baptiste Nazon.

Yon atak lakoz 5 jèn gason mouri nan legliz Union Baptiste Nazon, yon dram terib lage kominote legliz la nan yon dèy san parèy.

Nan yon odyo pastè Joël Pierre t ap rakonte dram ki pase nan dat lendi 18 novanm pase a nan moman fidèl yo te reyini pou yon sèvis devosyon matinal. Plizyè nèg ak zam vandalize epi detui lavi 5 moun pami yo yon teknisyen son ak responsab kat pèseverans legliz la.

Pastè Joël Pierre prezante senpati l bay kominote a ki frape pa dram sa a. Reveran an eksprime tristès li pandan li pwofite ankouraje chak manm legliz la pou rete soude. Menmsi li rete kwè dram sa a kite yon gou amè nan vi ministeryèl li.

Ekip konekte M nan voye tout senpati l ak kominote Eglise Union Baptiste Nazon an ak fanmi pwòch, zanmi 5 moun ki mouri yo. Nou priye pou BonDye konsole ak ankouraje kominote sila a.