Dr Melissa Etheart pran tèt Direksyon Epidemyoloji, Laboratwa ak Rechèch (DELR), kote li pwomèt yon nouvo apwòch kolaboratif pou atake defi sanitè piblik peyi a. Nan premye deklarasyon li, Dr Etheart remèsye Minis Sante Piblik la pou konfyans li mete nan li, epi li ensiste sou enpòtans travay an ekip ak tout patnè sektè sante, ni nasyonal ni entènasyonal.
Avèk plis pase 10 lane eksperyans, Dr Etheart pote nan DELR yon ekspètiz solid nan domèn sante piblik. Li gradye nan Inivèsite Notre-Dame d’Haïti, nan medsin epi li gen yon metriz nan sante piblik nan Emory University, Atlanta. Li te travay nan enstitisyon tankou GHESKIO, CDC, ak USAID. Anplis sa, li posede plizyè sètifikasyon nan zafè jesyon ijans ak kriz imanitè, k ap sèvi l nan amelyore kapasite peyi a pou reponn pi byen kont epidemi ak kriz sante.
Nominasyon li make yon angajman Ministè Sante Piblik la, pou ranfòse enfrastrikti sektè sante a epi pou amelyore repons fas ak gwo defi sanitè, tankou jesyon laboratwa ak rechèch. Dr Etheart envite tout aktè yo mete men ansanm pou fè fas ak responsabilite istorik sa a.
Comments