Dosye koripsyon: Roudel Ducherne Enspektè DGI nan Hinche kondane pou pase 4 lane nan prizon.

Jodi lendi 25 novanm 2024 la, Inite Lit kont Koripsyon (ULCC) enfòme piblik la ak laprès kondanasyon enspektè Direksyon Jeneral Taks yo nan vil Ench, Roudel Ducherne pou pase 4 lane dèyè baro.

Kondanasyon sila se rezilta ankèt ULCC yo sou fason mesye Ducherne, te konn travay nan DGI. Se dezyèm dosye Koripsyon ULCC ki rive abouti nan nivo sa, aprè ansyen direktè Jeneral OAVCT a, ki te kondane pou pran prizon akòz koripsyon.

ULCC detèmine pou kwape koripsyon nan administrasyon piblik la epi ankouraje lajistis pou trete lòt dosye ki ale nan menm sans lan.