Daprè MSPP gen plis pase 30 enstitisyon sanitè ki fèmen akoz ensekirite a.

Daprè direktè òganizasyon sèvis Sante nan Ministè Sante Piblik ak Popilasyon (DOSS/MSPP), Doktè Yvrose Chrysostome, sitiyasyon sante nan depatman Lwès lan bay anpil kè sote, 34 enstitisyon sanitè oblije fèmen pòt yo akoz ensekirite k ap grandi nan peyi a chak jou.

Anons sa a mete aksan sou defi sistèm sante piblik la ap fè fas nan moman kriz politik la, ki mete an danje aksè a swen sante anpil sitwayen nan peyi a sitou nan zòn metropolitèn nan ki afekte plis anba ensekirite a.