Daprè Majistra a, kantite moun ki mouri nan atak gang Gran Grif la rive nan 115.

Nan yon atak gang ki fèt nan dat 3 oktòb 2024 la, Myriam Fièvre, majistra vil Saint-Marc, konfime kantite moun ki mouri nan Pont-Sondé rive nan 115. Li fè konnen chif sa a ka ogmante, paske otorite yo toujou ap chèche kadav nan zòn ki pa fasil pou yo jwenn.

Daprè Òganizasyon Entènasyonal pou Migrasyon (OIM), plis pase 6,300 moun ki te viv nan Pont-Sondé te fòse chape anba vyolans la e anpil nan yo jwenn abri nan Saint-Marc. Pami yo, prèske yon milye moun pa gen kote pou ale sa ki lakoz y ap dòmi nan legliz, lekòl,ak sou plas piblik.

Sitiyasyon an mande yon repons rapid ak efikas nan men otorite yo pou asire sekirite popilasyon an.