Corventina fini kòm mèyè jèn jwèz Lig chanpyon feminen 2023-2024.

Panel obsèvatè ak obsèvatris teknik UEFA yo dezinye nimewo 6 ekip Olympics Lyonnais,chanpyon lig chanpyon 2023-2024 la, Melchie Dumornay pran pri Mèyè jèn jwèz pi gwo konpetisyon foutbòl klèb ewopeyen yo lakay medan yo.

Corventina te livre de gwo pèfòmans san parèy nan demi final ale tankou nan retou ki te pèmèt OL pase woulo konprese sou PSG epi kalifye pou final la.

Malerezman Melchie ak OL pèdi final la kont Barcelone 2-0. Men malgre echèk sa a, entènasyonal ayisyèn nan fè pati pi gwo sansasyon konpetisyon an pou sezon 2023-2024. Nan 5 match jwèz polivalan an enplike sou 5 gòl: 2 gòl plis 3 pas desizif.