Claude Joseph Kritike Gouvènman an Men Pa Egzije Demisyon Reprezantan pati li a.

Nan yon konferans pou laprès lendi 23 septanm 2024 la, ansyen Premye Minis Claude Joseph, ki se lidè pati politik EDE, te lanse kritik kont 100 premye jou gouvènman an, li te dekri kòm "katastwòf." Menm si Claude Joseph te fè anpil remak negatif sou jesyon gouvènman an, li pa t mande pou demisyon reprezantan pati li a ki okipe yon pozisyon nan Ministè Defans lan.

Dapre kèk sous enfòmasyon, sou 25 milyon goud ki te rezève pou aktivite sekirite nan Ministè Defans lan, 20 milyon t a sanble itilize pou rezon pèsonèl. Sa kreye gwo dout sou fason resous leta yo jere nan sektè defans lan. Anpil obsèvatè konsidere bilan 100 jou gouvènman an pa t a dwe dezangaje pati EDE a, ki gen yon prezans nan kabinè a. EDE te tou fè tout sa li te kapab pou mete Garry Conille nan pozisyon Premye Minis la.