Aprè yon mesaj ki chaje ak espwa epi motivasyon pou peyi DAyiti nan 14 zyèm sware 40 jou jèn Shekinah, Bishop Gregory Toussaint anonse yon gran Mach pasifik entènasyonal kap gen pou fèt nan plizyè peyi nan Dyaspora e nan peyi Dayiti an mèm tan jou kap Dimanch 9 jiyè 2023, a midi tapan anba tèm "SOUF POU AYITI."
Mach pasifik entènasyonal "Souf pou Ayiti " a, genyen 4 gran objektif:
1- Se pou fè yon demonstrasyon piblik pou montre Ayisyen dakò pran responsabilite yo antanke sitwayen.
2- Se fè kominote entènasyonal la konnen: •Ayisyen konnen fòs yo.
•Ayisyen konsène de sa kap pase nan peyi a. • Ayisyen fè pati de solisyon an.
3- Sipòte Bill S.396, Lwa 2023 pou transparans sou konplisite kriminèl nan peyi dAyiti.
4- Kenbe Pwogram Imanitè Biden nan , fè yon plan pou benefisyè pwogram Biden yo jwenn rezidans aprè 2zan.
Depi nan menm sware a, anviwon 26 LEgliz gentan reponn pou patisipe nan mach pasifik entènasyonal la daprè Bishop Gregory Toussaint, lidè prensipal Tabernacle de gloire kontinye pou l di se yon mach ki vize ant 50 000 mil a 250 000 mil Ayisyen.
Depi kounya ou ka anrejistre an liy pou w patisipe nan mach pasifik entènasyonal "SOUF POU AYITI" a, genyen yon fòmilè an liy ki disponib:
NB.- Sonje mansyone si w se Pastè oubyen Òganizasyon pandan wap enskri a.
Comments