Batbouch ant Prezidan KPT a ak Fondasyon Toup Pou Yo sou Konstriksyon yon Stad Modèn.

Prezidan Konsèy Prezidansyèl pou Tranzisyon an (KPT), Edgard Leblanc Fils, te rankontre vandredi 9 dawout 2024 la nan Villa d'Accueil ak reprezantan Fondasyon "Toup Pou Yo". Reyinyon an te santre sou yon pwojè patenarya sou konstriksyon enfrastrikti espòtif, ki enkli yon stad modèn avèk kapasite pou resevwa 40,000 moun.

Reprezantan Fondasyon "Toup Pou Yo" te gen ladan yo ansyen senatè Pierre Paul Patrice Dumont, Guy Allen, Frantz Exil, Marina Gourgue, Daniel Elie, Reynold Guerrier, ak Hans Vilfort. Prezidan Leblanc Fils te felisite fondasyon an pou inisyativ sa a epi li pwomèt pou travay pou reyisit pwojè a. Li angaje l pou prezante plan an bay lòt manm CPT yo ak chèf gouvènman an, Garry Conille.