Asosyasyon Pwofesyonèl Petwòl Ayiti (APPE), atravè yon nòt Randolphe Rameau siyen, voye yon alèt bay otorite yo sou yon bato ki pote yon chajman dizèl ki pa konfòm ak estanda kalite yo sou mache Ayiti a. APPE mande otorite yo pran aksyon imedya pou anpeche distribisyon gaz sa a.
Nòt la montre bato sa a, ki pote non SYRMA, ap chèche evite tèminal Pòtoprens yo epi eseye fè livrezon nan pò ki pa otorize, kote l ap pwofite mank gaz aktyèl la ak difikilte transpò nan Tèminal Varreux. APPE avèti pwodui sa a ka pase anba kontwòl otorite konpetan yo si distribisyon an fèt nan kondisyon sa yo.
Asosyasyon an raple senk (5) konpayi petwòl ki legal nan peyi a gen ase rezèv pou satisfè bezwen popilasyon an. Li ankouraje konpayi sa yo pou kontinye travay ansanm pou asire tout enpòtasyon rete konfòm epi pou evite nenpòt fòm kriz gaz.
Entèvansyon APPE a vini nan yon moman kote mank gaz ap frape Pòtoprens, afekte popilasyon an ak aktivite ekonomik yo.
Comments