Anviwon 350.000 Timoun Ayisyen Deplase kite Kay yo Akoz Atak Gang ak Zam yo San Destinasyon Fiks.

plis pase yon lane, Sitiyasyon an pa sispan agrave chak jou pi plis an Ayiti, kote plis pase 350 000 timoun oblije kite kay yo akoz gwo zak vyolans gang ak zam ki sakaje divès katye an Ayiti. Nan yon rapò ki fenk soti, UNICEF fè konnen, pou pi piti, yon timoun ayisyen deplase kite kay yo chak minit.

Soti jiyè rive novanm 2024, plis pase 50 000 timoun te oblije pran chimen kèk espas leta, sa yo rele sant lan, akoz yo viktim oswa temwen zak vyolans k ap ogmante nan zòn tankou Solino ak Nazon. UNICEF avèti kantite sa a ka ogmante nan jou k ap vini yo, espesyalman nan kominote ki anba kontwòl gwoup ak zam ilegal yo, tankou "Viv Ansanm".

“Pèdi kay, temwen lanmò, wè kay pran dife... sa yo se trajedi okenn timoun pa t a dwe viv,” deklare UNICEF nan yon kominike kote yo lanse yon apèl dezespwa pou zak vyolans yo vyolans kapab nan sosyete a. Òganizasyon an angaje l pou l bay sipò ijans, tankou dlo pwòp, sèvis sante, ak konsèy sikososyal pou ede timoun yo ak fanmi yo retabli.

Kriz sa a pa sèlman yon dosye imanitè; li se yon apèl nan tout sosyete a pou aji pou pwoteje timoun yo ki reprezante avni Ayiti.