Nouvo prezidan Sri Lanka a, Anura Kumara Dissanayaka, pran fonksyon li lendi 23 septanm 2024, nan Colombo, apre li te eli pa elektè yo ki vle chanje klas politik tradisyonèl la. Dissanayaka, ki soti nan yon mouvman goch radikal la, pwomèt pou l prezève demokrasi ak retabli lonè politisyen yo nan premye diskou li.
Eleksyon li fèt apre mouvman revoltan Aragayala an 2022 a, ki te mennen nan tonbe ansyen prezidan Rajapaksa. Anura Kumara Dissanayaka, ki se yon manm yon fòmasyon marxist-leninist, gen entansyon pou l kontinye avèk plan sove ekonomik la ke ansyen prezidan an te siyen ak FMI.
Pandan seremoni pran fonksyon li, li te resevwa felisitasyon, espesyalman nan men premye minis Endyen Narendra Modi ak prezidan Chinwa Xi Jinping, e li te eksprime dezi li pou l ranfòse relasyon ak de nasyon sa yo. Li te ajoute li vle travay pou benefis Sri Lanka, san konte rivalite jeyopolitik yo.
Dissanayaka fè konnen li konsyan parapò ak responsablite li yo, pandan pati li a gen sèlman twa (3) chèz nan palman an, pwochen eleksyon lejislatif yo prevwa pou ane pwochèn.
Comments