Antonio Guterres Kondane Mank Sipò pou Misyon Sekirite a an Ayiti.

Sekretè Jeneral Nasyonzini an, Antonio Guterres, lanse yon gwo kritik kont mank kontribisyon kominote entènasyonal la pou finanse misyon sekirite a an Ayiti, kote Kenya ap dirije operasyon an. Guterres deklare  mank sipò sa a se yon bagay ki «absolument inacceptable», sitou pandan gang yo ap kontinye simen vyolans sou popilasyon an.

Dapre li, anpil fwa lajan jwenn byen vit pou lòt kriz atravè monn nan, men pou Ayiti, kote kantite lajan ki nesesè a relativman piti, kominote entènasyonal la pran twòp tan pou reyaji. Li raple, malgre soufrans pèp ayisyen an, repons lan toujou ap trennen, e li mande yon aksyon prese prese pou ede Ayiti soti nan sitiyasyon difisil sa a.

#Entènasyonal