Antoine Michon se nouvo anbasadè Repiblik Fransèz la an Ayiti.
Michon ranplase diplomat Fabrice Mauriès, ki te fini misyon li nan mwa dawout 2024 la. Se Prezidan fransè, Emmanuel Macron, ki te nome Michon nan dat 24 jen 2024.
Nan kad nouvo fonksyon li, Michon te fè yon vizit nan Anbasad Ayiti an nan peyi Lafrans, mèkredi 21 dawout 2024 la, kote li te rankontre ak Chargé d’Affaires Louino Volcy. Yo te diskite sou ranfòsman relasyon ant Lafrans ak Ayiti, ak pwoblèm Gouvènman ayisyen an genyen kòm priyorite, tankou : Sipò Lafrans pou Polis Nasyonal dAyiti (PNH) ak misyon sekirite entènasyonal la. Tou de (2) ofisyèl yo te diskite tou sou kolaborasyon inivèsitè ant de peyi yo.
Antoine Michon te okipe pozisyon Chargé d’Affaires Lafrans nan Oganizasyon Eta Ameriken (OEA) anvan li te resevwa misyon li ann Ayiti. Depi lè l rive, li fè konnen li gen entansyon kontinye travay pou ranfòse lyen ant Lafrans ak Ayiti.
Nan menm semèn lan, yon seremoni adye k te òganize pou ansyen anbasadè an, Fabrice Mauriès, nan Villa d’Accueil, anba patwonaj Konsèy Prezidansyèl Tranzisyon an. Pandan seremoni sa a, Mauriès te remèsye Konsèy la pou kolaborasyon yo pandan manda li a, li te mete aksan sou ranfòsman relasyon zanmitay ant de (2m peyi yo, epi li anonse nouvo anbasadè a ap prezante nouvo oryantasyon koperasyon fransèz la, espesyalman nan domèn sekirite.
Ambasadè Mauriès te ekri sou kont X li pou remèsye Prezidan Konsèy Prezidansyèl Tranzisyon an, Edgard Leblanc Fils, ak lòt konseye yo pou seremoni sa a, li te ajoute ke li espere tranzisyon an ap reyisi.
Comentários