Anbasad Meksik an Ayiti louvri pou sèlman 3zè tan.

Anbasad Meksiken an Ayiti ap louvè pou yon ti bout tan pou pèmèt moun ki te fè demann viza yo vinn pran paspò yo.

Moun ki konsène yo te ka ale nan Anbasad la jodi 3 Me 2024 la, soti 9è nan maten pou rive midi. Yo te dwe mache ak resi ki konfime yo te peye yo ak yon dokiman idantite ofisyèl.

Sitoutfwa yon moun ta rate posibilite pou pran paspò yo nan jodi a, yo ap oblije rete tann jiskaske Anbasad la anonse sou sit entènèt yon lòt dat.

Anbasad la fè konnen tou sèvis konsila pou nouvo aplikasyon viza oswa legalizasyon yo sispann kounye a pou lè kondisyon sekirite yo pèmèt.