Ambasad Ayiti nan Peyi Vyetnam fèmen Tanporèman pou Peryòd Fèt Fen Ane yo.

Nan yon nòt ki pibliye vandredi 20 desanm 2024 la, Ambasad Ayiti nan Vyetnam enfòme kominote ayisyèn nan yo  fèmen tanporè lokal yo, nan okazyon fèt pou fen ane a. Mèzi sa a ap antre an vigè soti jodi 23 desanm 2024 pou rive 5 janvye 2025.

Malgre sitiyasyon difisil peyi a ap travèse, fèt fen ane ak nouvèl ane yo rete yon moman enpòtan nan lavi chak Ayisyen, kit yo an Ayiti, kit yo nan dyaspora. Pou rezon sa a, Ambasad la presize  pandan peryòd sa a, sèvis konsilè ak administratif yo p ap disponib. Aktivite yo ap reprann nòmalman nan dat 6 janvye 2025, pou asire satisfaksyon bezwen sitwayen ayisyen ki rezide oswa ki an tranzit nan Vyetnam.