Aprè yon lane tansyon transfontalyè, epi 2 mwa lagè ant Izrayèl ak Liban. Finalman, vè 4è nan maten, nan lè peyi Liban, maten mèkredi 27 Novanm sila a, akò pou kanpe gè a antre an aplikasyon.
Akò sila a, se yon trèv plizyè chèf Leta salye, epi espere gè sa ap rive nan bout li. Premye minis Izrayèl la Benyamin Nétanyahou deklare li pare pou atake sitoufwa Liban atravè Hezbollah t a vyole akò sa.
Yon lòt bò premye minis libanè a, Najib Mikati, swete Leta Ebre a respekte angajman yo pran nan akò pou tchola kò yo nan zòn ki bay sou fwontyè pa yo.
Trèv sa voye yon siyal lespwa pou Gaza ki angaje nan yon gè san parèy ak Izrayèl depi plis pase yon lane. Yon gwo Kad nan Hamas di yo pare pou jwenn yon akò pou jwenn yon trèv nan gè Izrayèl-Hamas la. Pou Hamas, trèv lagè Izrayèl - Liban an se yon konkennchenn viktwa pou gwoup rezistans yo.
Comments