Administrasyon Trump lan ap pare pou anile yon lwa ki la depi lontan, ki limite aksè ajan U.S. Immigration and Customs Enforcement’s (ICE) nan kèk espas konsidere kòm sensib. Selon yon rapò NBC News, ki baze sou enfòmasyon soti nan twa sous pwòch plan depòtasyon an, mezi sa a gen pou objektif pou retire pwoteksyon ki egziste pou lekòl, legliz, lopital, ak espas kote yo òganize evènman tankou antèman ak maryaj.
Dapre sa sous yo fè konnen, desizyon sa a pral antre an aplikasyon depi premye jou manda Donald Trump kòm prezidan Etazini. Politik sa a pral pèmèt ICE gen plis otorite pou arete migran ilegal, kèlkeswa kote yo ye, epi li vize akselere « pi gwo operasyon depòtasyon » nan listwa peyi a.
Pou anpil obsèvatè, mezi sa a ranfòse angajman Trump pou fè respekte lwa imigrasyon yo san okenn eksepsyon. Men, plan sa deja souke kominote imigran yo, ki te konte sou espas sensib sa yo kòm refij pou pwoteksyon kont depòtasyon.
コメント