40 Jou Jèn ak Aksyon de Gras nan Legliz Tabernacle de Gloire nou t ap tann nan rive.

Legliz Tabernacle de Gloire ki dirije pa Pastè Gregory Toussaint, lanse pi gwo pwogram anyèl li, "40 jou jèn ak aksyon de gras" k ap kòmanse jodi dimanch 2 jen an pou rive 14 jiyè 2024.

Evènman sa a, ki gen pou tèm "Kay sa a ap pi bèl lontan pase premye a, jwenn referans biblik li nan Aje 2 vèsè 9.

Kèlkeswa kote ou ye nan mond lan ou ka patisipe nan Adorasyon ak sèvis priyè yo k ap fèt chak jou nan tout campus Tabernacle de Gloire epi k ap difize sou; radyo Shekinah FM 92.5, YouTube, Facebook, ak anpil lòt platfòm an liy tankou konekte m.

40 jou jèn Tabernacle de Gloire toujou pote gwo temwanyaj, delivrans ak gerizon, nou ankouraje w pa rate yon jou nan 40 lan paske peryòd sa a se yon moman espesyal pou w ranfòse lafwa w, wè BonDye nan yon lòt nivo, epi jwenn matirite nan pawòl BonDye.

Ou ka rete Konekte sou tout platfòm nou yo pou w ka swiv andirèk gwo evenman espirityèl sa

n ap difize l an dirèk.